Os nosos obxectivos

O principal obxectivo do Programa Social Emprende é o de dotar á Universidade de Santiago de Compostela dunha estrutura que fomente e canalice o potencial de emprendemento existente na área de Humanidades e Ciencias Sociais no entorno universitario en xeral, e nos grupos de investigación destes ámbitos en particular, complementando deste xeito a oferta existente no eido das iniciativas innovadoras de base tecnolóxica.

De acordo con este obxectivo principal, un dos principais obxectivos operativos constitúeo xerar e espallar a cultura de empresa na área de Humanidades e Ciencias Sociais entre o persoal integrado nos grupos de investigación e, en xeral, entre o profesorado, o alumnado e as restantes persoas pertencentes ao entorno universitario destas áreas, presentando casos de éxito e contribuíndo a abrir o abano de posibles saídas profesionais, contribuíndo así a potenciar ideas empresariais innovadoras e a estudar e apoiar a súa posta en práctica.